خالتي الضاوية
يقول الفيلسوف الصيني #كونفوشيوس : كي احمد كي الحاج احمد طلب غي السلامة و صافي .
عارف باللي كيما العادة غادي شلا وحدين غادي يقولولي واش فعلا الحكيم كونفوشيوس قال هاذ الهدرة . زعما انا مابقا عندي مايدار غي نقرا واشتا قال كونفوشيوس.
و الاكثر من ذلك غادي ينوض شي فيلسوف يقولي واشتا الفرق بين احمد و الحاج احمد و علاش اصلا هاذ المثل ؟؟؟؟
زوجي و قرة عيني #بوجمعة حفظه الله و رعاه هاذ ليامات متبع الاخبار ماتقول غي شي محلل سياسي من الطراز الرفيع. حتى هو ولا متبع الاخبار ديال الانتخابات انا حيابلي كان متبع غي الانتخابات ديالنا سعا السيد مشى بعيد و انا لاخبار . ماخلى لا الجزيرة لا العربية و زيد عليهم حتى الفايس بوك.
من فوقاش يا بوجمعة الله يهديك وليت تبع السياسة . ياك كان النعاس يجيك مين تبدا الخطابة ديال الثمنية . و الحاجة الوحيدة اللي كنت تتبعها هي الاحوال الجوية و واخا هاكا ماعمرك جبت شي خبار صحيح واخا فالاحوال الجوية . اش داك لشي سياية دولية .
بزاف ديال لمغاربة بحالهم بحال بوجمعة و خصوصا دوك صحاب تازة قبل غزة و ديال مهاجمة الكوفيين . اجي بعدا فين راه المشكل تكون كوفي . اللهم تكون كوفي و ماتكونش زرق .
عدد من المغاربة الزرق تبعو الانتخابات ديال ولاد يعقوب و فرحو من ازنكوط ربح . الفرحة انه مغرابي . كيتكم و كية اللي يفكر بحالك .
الله يرحم الفيلسوف الهندي الكبير اميتاباتشان مين قال المقولة الشهيرة ديالو : تعيا تختار فولاد الكلبة فالتالي تختار جرو .
الحاصول كي ازنكوط كي السلكوط كي ولد عمهم النتن ياهم راه كلهم ولا كلبة .
عمي بوجمعة
